Ѕвездите на серијата „Игра на лигни“ се појавија на розов килим на премиерата на втората сезона во Сеул. Таа официјално ќе се прикажува на „Нетфликс“ од 26 декември, но веќе доби номинација за Златен глобус за најдобра драмска серија. Првичните критики се дека втората сезона е брилијантна и мајсторски направена.
Продолжението доаѓа три години по премиерата на првата сезона, која беше во септември 2021. Таа стана најголемата серија на „Нетфликс“ досега, гледана од 111 милиони корисници во првите 28 дена.
Првата сезона на јужнокорејската драма следеше група од 456 луѓе, очајни и во долгови, кои се борат до смрт во детски игри за огромна парична награда. Веќе е објавено дека третата и последна сезона ќе излезе во 2025.
(Фото: Нетфликс)
