Во Градската библиотека „Гоце Делчев“ во Велес е промовирана книгата афоризми „Низ сито и решето“, во која деветмина автори од Македонија објавуваат дел од нивното творештво. Промотор беше Иван Котев од Струмица.
„Богатството на книгата е токму тоа што деветмина автори заеднички ги пренесуваат нивните афоризми. Нивниот дух е во една книга, што е реткост и од исклучителна вредност. Тие ги надградуваат народните мудрости и поговорки“, кажа Котев.
Во збирката се собрани афоризми од Атанас Крлевски, Ацо Ѓорѓиев, Драганчо Тасевски-Изворски, Елеонора Николовска, Јане Атансов, Ленче Стоименова, Миле Ѓорѓијоски, Ристе Филчевски и Ружа Стојмилова.
На промоцијата се одбележа и 45-годишнината од творештвото на велешкиот афористичар Атанас Крлевски, кој има издадено девет книги со афоризми.
П. ПЕЧКОВ
