Директорката на Охридско лето Наташа Поповиќ заедно со уметниците и гостите на фестивалот синоќа го прославија 59. роденден на најголемиот летен фестивал во земјава со торта и роденденската песна „Happy birthday“.
Прославата следеше по концертот на врвните гитаристи Влатко Стефановски и Мирослав Тадиќ во полниот Антички театар. Гостинка на концертот беше виолинистката Ивет Џонсон од САД.
Почетокот на Охридско е на 4 август 1961, со настапот на оперската певица Ана Липша-Тофовиќ.
„Од година во година Охридско лето се развива по нагорна линија, прераснувајќи во манифестација која претставува пример како треба да се негува и одржува еден фестивал. Охридско лето се одржува секоја година од 12 јули до 20 август. а од 1994 е редовен член на Европската асоцијација на фестивалите“, вели директорката Наташа Поповиќ.
Д. ЧУБРИЌ
